ხორვატიის ნაკრებისა და მადრიდის "რეალის" ნახევარმცველი ლუკა მოდრიჩი „ოქროს ბურთის“ მფლობელი გახდა. განსაკუთრებით ემოციური იყო ფეხბურთელის მშობლების რეაქცია, როდესაც გაიგეს რომ მათმა შვილმა „ოქროს ბურთი“ მოიგო:

„ჩემო შვილო, მე ყველაზე ბედნიერი და ამაყი მამა ვარ მსოფლიოში. შენ ჩემი გენიოსი ხარ. მე ვერ ვპოულობ სიტყვებს. მე უბრალოდ ბედნიერი ვარ“- განაცხადა ფეხბურთელის მამამ სტიპე მოდრიჩმა.

„გილოცავ, ჩემო მზეო, შენ ეს დაიმსახურე. ძალიან მიყვარხარ", - განაცხადა ლუკას დედამ, რადოიკა მოდრიჩმა.

ლუკა მოდრიჩის თქმით, მისი წარმატება სწორედ მშობლების დამსახურებაა:

„როდესაც ბავშვი ვიყავი, მათ ყველაფერი შემომწირეს, რომ დამხმარებოდნენ და საფეხბურთო ოცნებები ამეხდინა. ისინი მე ცხოვრებისეული ღირებულებებით მზრდიდნენ და სწორედ მათი დამსახურებაა, რომ დღეს მე აქ ვარ.“- განაცხადა ლუკა მოდრიჩმა.

შეგახსენებთ, მოდრიჩმა რონალდუსა და მესის 10-წლიანი დომინირება დაასრულა, გახდა რა "ოქროს ბურთის" მფლობელი.


წყარო: NewPosts.Ge